سلسلة بستان الرهبان

1. الأنبا بيصاريون الكبير

كثيرون سمعوا عظات عديدة عن الصلاة عن قوتها واقتدارها فى فعل اى شي وانها اقرب وسيلة للوصول إلى الله لكن كل هذة العظات لا يمكن ان توصل للإنسان المعنى الحقيقى للصلاة مالم يختبرها و يذوقها بنفسة فعظات الصلاة تشبة انسان يحكى لك وصف عن طعم العسل ويقول لك كم هو طعمة لذيذ ورائع لكنك مستحيل ان تعرف طعم العسل مالم تتذوقة بنفسك كذلك الصلاة

وفى قصة بستان الرهبان التى سوف نحكيها الان . نتكلم عن قديس عظيم من قديسى القرن الثالث لم يسمع عنة احد كثيرا وهو القديس بيصاريون الكبير هذا القديس الذى عرف معنى الصلاة لانة اختبرها وعاشها

سمعتم من قبل ان الصلاة يمكن ان تشفى الامراض و تقيم الاموات بل وتنقل الجبال ايضا اما فى قصة القديس بيصاريون الكبير فقد استطاع بقوة صلاتة ان يوقف مسار الكواكب و الدورة الشمسية بل وكل المدار الفضائى.

+ يحكى عن الانبا بيصاريون الكبير أنة كان فى رحلة مع تلاميذة الى احد الأباء القديسين وحدث انهم وهم فى الطريق ان بدأت الشمس فى المغيب وان غابت الشمس عليهم فسوف يضلون طريقهم .

فصلى الانبا بيصاريون الى الله قائلا : ( ارجوك يا سيدى ان تجعل الشمس تدوم فى مكانها حتى امضى الى عبدك ) وبالفعل فقد استجاب الله الى الانبا بيصاريون و جعل الشمس تتوقف مكانها واوقف معها كل المدار الفضائى عن الحركة لاجل طلبة قصيرة جدا من احد عبيده وهو الانبا بيصاريون الكبير .

 همسة فى أذنك : القصة خلصت خلاص لكن أنا عايزك لما تقرأ قصص القديسين دول متقراهاش على إنها مجرد قصص كانت فى عصور زمان و متنفعش فى ايامنا دى لان ربما المعنى الحرفى ليها مينفعش لكن أكيد المعنى الروحى ينفع

كمان فكر شوية كدة وأسأل نفسك أنا فين من الناس دى ؟؟؟

أنا مش عايزك تتخلى عن فضيلة الرجاء أبدا }وكل من عنده هذا الرجاء به يطهر نفسه كما هو طاهر  ( 1يو 3 : 3 ){ واذا كان شيطان اليأس بيصور لك انك مستحيل تبقى زى القديسين. قوله إن القديسين دول اتولدوا بشر زينا متولدوش ملايكة....لكن فى فرق واحد بس بينى و بينهم إن القديسين دول فهموا وأدركوا وأنا لسة مش عايز افهم .. هما فهموا إنهم فى الدنيا هنا للاختبار مش للاستقرار.. فهموا إن هنا مش وطنهم وان ليهم وطن تانى أفضل و أسمى من هذا العالم الزائل وإنهم مهما عاشوا هنا 50 أو 60 أو حتى 150 سنة دة هيجى اية جنب السنين الأبدية اللى منتظراهم والعشرة مع ربنا والملايكة.

جاهد ومتخليش الشيطان ييأسك من رجائك.. حتى لو كنت فاشل على الارض وملكش فيها مكان مش مهم.. لكن حاول يكون لك مكان فى الملكوت!!!

ومتنساش اللص اليمين اللى عاش عمرة كله على الأرض لص وقاطع طريق وإنسان فاشل.. لكنة قدر أن يحجز لنفسة مكان فى الملكوت... عشان كدة لازم تجاهد وتتعب لان لك رجاء وهو الملكوت الأبدي السماوي وأوعى تسمح لأي حد انه ياخد منك اكليلك..

الرب يبارك حياتكم ويعوضكم فى ملكوته .

____________

للأشتراك معنا على قناة اليوتيوب لكى تتابعوا الفيديوهات اليومية الجديدة ،، أدخل على هذا الرابط واضغط على كلمة (Subscribe)

www.youtube.com/c/AmirTadros

www.youtube.com/c/AmirHanna

صفحة القديسة مريم المصرية السائحة

https://www.facebook.com/stmaryofegypt